ឯកឧត្តម ហ៊ុន ម៉ានិត ៖ សមាជិក សមាជិកា គណបក្សប្រជាជនកម្ពុជាទាំងអស់ ត្រូវកចិត្តទុកដាក់បម្រើប្រជាពលរដ្ឋអោយបានល្អ !
29-June-2018 | ដោយ ពល បញ្ញា
ខេត្តកំពង់ចាម ៖ ឯកឧត្តម ហ៊ុន ម៉ានិត អនុប្រធានក្រុមការងារថ្នាក់កណ្តាលចុះជួយខេត្តកំពង់ចាម និងជាប្រធានក្រុមការងារថ្នាក់កណ្តាលចុះជួយស្រុកចំការលើ បានលើកឡើងថាសមាជិក សមាជិកា គណបក្សប្រជាជនកម្ពុជាទាំងអស់ ត្រូវកចិត្តទុកដាក់បម្រើប្រជាពលរដ្ឋអោយបានល្អ បច្ចុប្បន្នរាជរដ្ឋាភិបាលកម្ពុជា បានខិតខំលើការធ្វើការកំណែទម្រង់នៃបញ្ហាសំខាន់ជាច្រើន ដើម្បីអោយការរស់នៅរបស់ប្រជាពលរដ្ឋកម្ពុជាយើងកាន់តែសុខស្រួលនិងមានជីវភាពល្អប្រសើរ ដូចជាថ្មីៗនេះដែលរាជរដ្ឋាភិបាលបានធ្វើការតំឡើងប្រាក់ខែដល់មន្ត្រីរាជការជាបន្តបន្ទាប់។
ការថ្លែងបែបនេះនៅពេលដែល ឯកឧត្តម បានអញ្ជើញសម្ពោធ អគារស្នាក់ការគណបក្សប្រជាជនកម្ពុជា ស្ថិតក្នុង ឃុំតាអុង ស្រុកចំការលើ ខេត្តកំពុងចាម នាថ្ងៃព្រហស្បតិ៍១រោច ខែបឋមសាឍ ឆ្នាំច សំរឹទ្ធិស័ក ព.ស ២៥៦២ .ត្រូវនិងថ្ងៃទី២៨ ខែមិថុនា ឆ្នាំ២០១៨ កន្លងទៅនេះ។
ឯកឧត្តម ហ៊ុន ម៉ានិត ក៏បានជូនពរដល់សមាជិក សមាជិការទាំងអស់ សូមជួបតែសេចក្តីសុខសេចក្តី សេចក្តីចម្រើនគ្រប់ៗគ្នាហើយ ដើម្បីធានានូវសន្តិភាពនិងនិរន្តរភាពនៃការអភិវឌ្ឍន៍ សូមបងប្អូនបន្តបោះឆ្នោតជូនគណបក្សប្រជាជនកម្ពុជាដែលមានលេខរៀងទី ២០ នៅថ្ងៃទី ២៩ កក្កដា ឆ្នាំ ២០១៨ ខាងមុខនេះ៕
ចំនួនអ្នកទស្សនា
- ថ្ងៃនេះ4601
- ម្សិលមិញ10851
- សប្តាហ៍នេះ71121
- ខែនេះ186271
- ឆ្នាំនេះ186271
- សរុប20628727